Hari pyaj ke pattiyo ka mokad : ek anokha snaks

 

*Hari pyaj ke pattiyo ka mokad : ek anokha snaks*

Hare pyaj se bani mokad ki recipe ek Indian dish hai. jise aap naste me khha sakate hai. jo khane me bahot hi swadist aur tasty hota hai. waise hare pyaj se bahot sari dishesh bnai jati hai, jaise ki hare pyaj ke paratha, hari pyaj ki bhakri, Vidarbha special hari pyaj ki dubak vadi aur hare pyaj ka salad, usi tarah hum apko hare pyaj ki ek unic, healthy aur tasty dish bnana btayenge. To chaliye bnate hai ek unic aur aasan dish hare pyaj ki pattiyo ka mokad.

*Hari pyaj ke pattiyo ka mokad bnane ke liye ingredients*

1. pyaj ke patte barik kate huye

2. jeera

3. ova

4. til

5. namak

6. haldi powder

7. lal mirch powder

8. dhaniya patti

9. barik kata huwa kadipatta

10. besan

11. tamatar

12. chawal ka aata

13. rai

14. oil

15. souf

*Nutritious values of hari pyaj*

1. Hare pyaj ke patto me bharpur matra me vitamin, manganese, copper, phosphorus, potassium, ki matra hoti hai.

2. hari pyaj ke patto me bharpur matra me nutritients paye jate hai. aur usi tarah kaee prakar ke vitamins paye jate hai.

3. hari pyaj me paye jane me vitamins ke wajah se khun ki kami ko dur karke khun badhane ke liye pyaj ke patto ka sevan karna kafi faydemand mana jata hai.

4. usike sath pachan se sambandhit samassya ke liye bhi pyaj ke patto ka sevan karna labhdayak hai.

5. pyaj ke patto ka sevan karne se digestion achha rakhne me kafi madat milti hai. isliye pyaj ke patto ka sevan hamare lifestyle ko achha aur healthy rakhne ke liye bahot aavsyak aur faydemand hai. ise aap salad ke rup ya kisi alag alag recipe ke rup me bhi use kar sakte hai.

*Hari pyaj ke pattiyo se mokad bnane ka samay*

                       35 se 40 minutes.

*Hari pyaj ke pattiyo se mokad bnane ki vidhi*

1. sabse pehle hari pyaj ke patto ko achhese saf pani me 2 se 3 bar tak dho le. aur pattiyo ko barik cut kar le.

2. uske bad un pattiyo ko channy me nikal le, taki extra pani bhi usmese nikal jaye. Uske bad cut kiye huye patto ko ek bowl me ya bade katore me nikal le.

3. ek bowl ya kisi bhi bade bartan me pattiyo ko nikal le. (pattiyo me jyada pani nahi rehna chahiye) bad me usme jeera, til, tamatar, dhaniya patti, namak, haldi powder, lal mirch powder, kadipatta aur souf aur thodasa oil dalkar achhese mix kar le.

4. uske bad usme thoda thoda karke chawal ka aata dale, aur besan thoda kum matra me dale. Pyaj ke patte isme jyada dikhna chahiye. (aap chaho to gehu ka aata bhi dal sakte ho. Kisi bhi aate ka upyog jyada nahi karna hai iska dhyan de)

5. sabhi ko achhese mix kar le. yaha hame pani ka bilkul bhi use nahi karna hai. ab ek bartan me pani ubalne ke liye rakhe. Aur us par ek channy rakhe, aur channy me oil lga le.

6. bad me pyaj ke patto se jo humne batter bnaya hai, us se hath se halka pani lgakar muthhe gol karke thode lambe aakar ke (muthhe) gole bna le. aur eke k karke us channy me rakhe. Aur uper se dhak kar aur dhimi aanch par pakne de.

7. thodi der bad muthhe pake hai ki nahi check kar le. chammach ya chaku ki madat se cut karke dekhe, agar pake honge to muthhe chammach ko chipkenge nahi.

8. muthhe puri tarah se pakane ke bad gas off kar de. Aur unhe thoda Thanda hone de. Thanda hone ke bad aap muthhe aise bhi garma garam kha sakte ho. Ye aise bhi bahot swadist lagte hai. ekdam isme desi taste ka alag hi aabhas hota hai. jo khane me bahot hi ala gaur traditional taste deta hai.

9. ab in muthho ko fry karne ke liye muthho ko ekdam barik cut kar le, ya hath se isko ekdam barik bhurka bna le. inhe fry karne ke liye ek kadhai me oil garam kar le.

10. uske bad rai, jeera aur kadipatta dale. thodisi chini dale, aur  mokad dalkar achhese mix kar le. aur uper se namak, lal mirch powder, aur nimbu ka rus dale. ( lal mirch powder aur namak aavshykta padne par hi dale, kyuki humne pehle bhi ye sab dala hai)

11. uske bad mokad ko achhese garam hone de. Mokad garam hone ke bad uper se dhaniya patti dale.

( mokad ko achhse dhimi aanch par garam kare. Tabhi iska swad aur achha aayega)

Traditional dish Vidarbha special hare pyaj ke patto se bna mokad bnake serve karne ke liye tyar hai.

*Note*

Is blog ke jariye humne apko bahot hi aasan aur swadist traditional dish hari pyaj ke patto se bane mokad banana btaya hai. jo kafi tasty aur health ke liye bahot hi faydemand hai. aap ise naste me healthy dish ke rup me kha sakte hai. ye baccho ke liye bhi ek healthy option hai. aap ise jarur try kare, ye ek traditional tarike se banne wali dish hai.

*Written by nutritious chaska*

Humne is blog ke jariye apko traditional dish pyaj ke patto se bana mokad bnana btaya hai. jo bahot hi tasty aur healthy dish hai. jiska sevan aap ek healthy dish ke rup me kar sakte hai. hum aasha karte hai ki hamari btai hui recipe apko jarur pasand aaye, isi tarah humare blog par visit karte rahe. Humare blog pe visit karne ke liye dhanywaad.

*Tags*

#hari pyaj ke pkode

#hari pyaj ki recipe

#pyaj ke patto ki recipe kaise bnaye

#hari pyaj se bhakari kaise bnaye

#hari pyaj ki alag recipe in hindi