Garlic layerd lacchha paratha : Ek desi tadka

*Garlic layerd lacchha paratha : Ek desi tadka*

Garlic layerd lacchha paratha bahot hi aasan or tasty dish hai. Jo ki gehu ke aate se, lahsun aur mirch se bnai jati hai. Jiska flavour bahot hi tasty aur bhot hi chatakedar hota hai.

Agar aap apni diet me ye dish shyaamil karna chahte ho, to aap gehu ke aate ke jagah multigrain aate se bhi isko bna sakte hai. Garlic paratha lahsun sukhi lal mirch or butter ya ghee se banaya jata hai. Agar aap simple chapati khakar bor ho gye ho to khane me aap chapati ke jagah garlic layerd lacchha paratha bna sakte ho. Jo dikhne me bhi lajij dikhta hai, bacche bhi ise bahot chav ke sath khana pasand karenge. Aap ise curry ke sath kha sakte hai. Dahi ke sath khane me bhi ye bhot acchha lgta hai. To chaliye bnate hai hum aasan tarike se garlic layerd lacchha paratha.

*Ingredients:- 

1) gehu ka aata               

2) garlic ( lahsun ) 

 3) dhaniya patti 

 4) jeera

 5) Kasturi methi

 6) namak 

 7) ghee

 8) ghee ya butter 

 9) sukhi lal mirch ( cush krke le )

*Nutritious values of garlic ( lahsun ):-

Garlic sastha ke liye bahot hi faydemand hota hai. Lahsun me bhot jyada prakar ke medicinal values hote hai. Agar daily rutin me lahsun ka rojana upyog kiya jaye to bhot sare rogo se chutkara paya ja sakta hai.

Garlic me coper, carbohidred, iron, phosphorus, aur zinc aise kaee prakar ke nutritious values hote hai. To chaiye jante hai, lahsun ke faydo ke bare me.

Lahsun me anty biotic fungle jaise gun bhi hote hai, agar aap niymit rup me lahsun ka upyog karte hai to sardi khasi se chutkara pane me kafi madat mil sakti hai.

Lahsun bloud pressur ki problems ko solve karne ke liye faydemand hai. Subah roj khali pet lahsun ki ek kacchi kali khane se bloud pressur ko kum karne me kafi madat mil sakti hai.

Roj subah lahsun ki ek kacchhi kali khane se gas kabj or pachan se judi kaee parkar ki problems bhi solve ho sakti hai. Lahsun me vitamin B- 6, vitamin c, aise kaee prakar ke minerlas paye jate hai. Jo emmunity system ko majbut rakhne me kafi madat karte hai. Isi ke sath sath body ko ditox karne me bhi bhot hi sahayak hote hai.

Isi prakar lahsun kaee prakar ke rogo ke liye hi jyada faydemand hai.

*Garlic layerd lacchha paratha vidhi*

1. garlic layerd lacchha paratha banane ke liye, sabse pehle gehu ke aate me namak or oil dalkar mila le.

 ( ap aadha gehu aur aadha maida bhi le sakte hai )

2. pani dalkar roti ke liye jaise aata bnate hai, waise bna le, soft aata gunth le. Achhese milakar 5 min rest ke liye rakh de.

3. ab stuffing bnane ke liye lahsun ko cursh kar le, aur ek bowl me crush kiya huwa lahsun, Kasturi methi, jeera, dhaniya patti, lal mirch ko crush kar le. ( ap hari mirch bhi le sakte hai ) or namak dale.

4. bad me ghee or thoda oil dale. ( ap pura ghee, butter, ya sirf oil bhi dal sakte hai ) achhese karke iski stuffinf bna le.

5. ab aate ki ek badi gol roti bna le. ( thodi moti hi rakhe ) hme layerd wala lacchha paratha bnana hai, isliye layerd bnani chahiye isliye roti apko thodi badi hi bnana hai.

6. roti me lahsun ki jo stuffing humne bnai hai, wo thoda thoda karke pur roti par lga le.

7. ab roti ke layerd bna le, jaise hum bachpan me fan bnate the waise hi layerd apko bnani hai.

8. layerd hme achhese bnani hai. Tabhi paratha ko acchhi layers aayengi. ( aakhari wali layers ko waise hi bnani hai, jaise humne pehle wali layer bnai hai ).

9. bad me round bnakar, roti ko acchhese ek kar le. Sukha aata lgakar roti ko gol bel le.

10. ab pan ya tawa garam hone ke bad paratha dale. Or acchhese sek le. Paratha ko dono side se shek le.

11. dono side se pure paratha ko oil lga le. Paratha ko acchhese sek le, lacchha paratha me layers achhese banna chahiye.

12. bahot sare layerd wala, garlic lacchha paratha banke serve karne ke liye tyar hai.

    

read more

• Tasty or aasan imli ki khatti mithi chutney
• Tamatar ka khatta mitha achar

*Note:-

Garlic layerd lacchha paratha me humne lahsun ka use kiya hai, agar kisi ko lahsun se koi problem ya allergy hai, to aap lahsun skip kar sakte hai. Isi ke jagah aap gajar ya muli ko barik crush karke le sakte hai. Ya apni pasand ki koi bhi vegetables le sakte hai. Lekin garlic layerd lacchha paratha ka maja to garlic ke bina adhura hai. Isliye agar aap lahsun khana pasand karte hai, to lacchha paratha me lahsun jarur dale.

*Writen by nutritious chaska:-

Is blog ke jariye humne apko naste me special garlic layerd lacchh paratha bnake btaya hai. Jise log bade hi chaav ke sath naste me khana pasand karte hai, jisme humne simple ingredients ka use kiya hai. Jaise ki lahsun ( jeere ), oil, ghee ya butter, dhaniya patti namak, gehu ka aata, sukhi lal mirch, humne aise ingredints ka use kiya hai, jo ki sabhi ingredients hamare health ke liye faydemand hai. Bahot se rog aise hai jinke liye garlic ek vardan ki tarah kam karta hai.

Is blog ke jariye humne apko garlic layerd lacchha paratha aasan tarke se bnana btaya hai. Hum aasha karte hai ki hmari btai hui recipe aapko jarur pasand aayegi. Hmare is blog pe visit karne ke liye apka dhanyawad. Isi tarah se hmare blog pe visit karte rahe.

*Tags:-  #garlic layerd lacchha paratha

               #garlic lacchha paratha recip           

#lahsun ka dher sari parto wala                        paratha

#chili garlic paratha recipe

#lahsun paratha