Matar ki gravy wali sbji : Rasoi ka anokha tadka

 

*Matar ki gravy wali sbji : Rasoi ka anokha tadka*

Matar ki gravy wali sbji ek Indian dish hai. bharat me har ghar me ise dinner me ya naste me roti, chawal ya poha ke sath bnaya jata hai. matar ki gravy wali sbji bnane ke liye, humne kuch simple ingredients ka use kiya hai, jo ki hmare health ke liye bhi bahot faydemand hai. matar ki gravy wali sbji kisi bhi paratha roti ya chawal ke sath ise serve kiya ja skta hai. to chaliye bnate hai, aasan tarike se matar ki gravy wali sbji.

*Ingredients*

1. matar (sukhe)

2. oil

3. rai

4 jeera

5. tamatr

6. namak

7. haldi powder

8. lal mirch powder

9. masala powder

10. kadipatta

11. dhaniya patti

*Pest bnane ke liye ingredients*

1. jeera

2. lahsun

3. adarak

4. hari mirch

5. dhaniya patti

6. pyaj

*Nutritious values of matar*

* sukhe matar me fiber bharpur matra me paya jata hai. jo ki cholesterol ko kam karne me madat karta hai. cholesterol ko kam karne ke sath sath ye diebets ko niyantrit karne me bahot faydemand hai.

* sukhe matar se pachan ko achha rakhne me kafi madat milti hai. aur isi ke sath pachan se jude anek vikaro ke liye bhi matar bahot faydemand hai.

*matar ki gravy wali sabji bnane ka samay*

                35 se 40 minuts

*matar ki gravy wali sabji bnane ki vidhi*

1. matar ki gravy wali sabji bnane ke liye matar ko rat bhar pani me bhigoke rakhe. Uske bad, cooker me matar ko 3 se 4 sity aane tak pka le.

2. gravy bnane ke liye mixer me pyaj, adarak, lahsun, dhaniya patti, mirch, jeera, dalkar peast bna le.

3. ab sbji bnane ke liye kadhai me oil dale, oil garam hone ke bad rai or jeera dale.

4. uske bad paste aur kadipatta dalkar golden brown hone tak pka le.

5. uske bad tamatar aur namak dalkar achhese mix kar le aur tamatar soft hone tak pka le.

6. ab masala dalkar uble huye matar dalkar achhese mix kar le. Aur gravy ko pkne de. Aur jitni apko gravy chahiye utna pani dale, aur sabji me ubal aane de.

7. sabji ko ubal aane ke bad dhaniya patti dale. Aur garmagaram roti ya parathe ya chawal ke sath serve kare.

Hamari tasty aur aasan matar ki gravy wali sbji simple tarike se serve karne ke liye tyar hai.

*Note*

Humne apko simple tarike se matar ki gravy wali sabji bnana btaya hai. jiske sath aap chawal, paratha, roti kuch bhi kha sakte hai. ap ise naste me bhi poha ke sath kha sakte hai, jo khane me bahot hi tasty lgta hai. bs poha ke uper matar ki sabji dalkar uspe barik kate huye pyaj, dalkar aur uper se nimbu ka rus nichodakar, uske uper barik shev dal do. Ap try karke jarur dekhna iska swad to apko khan eke bad hi pta chal jayega.

*Writen by nutritious chaska*

Is blog ke jariye humne apko ek aasan Indian dish bnana btaya hai jo ek gravy wali sabji hai. khane me swad badhane ke sath sath ye hmare health ke liye bhi bahot faydemand hai. isko aap kisi bhi paratha, roti, ya chawal ke sath kha sakte hai. ye bahot hi aasan aur tasty dish hai, dinner me bnakar ap ise serve kar sakte hai, hum aasha karte hai ki hmare is blog pe di gyi jankari apko jarur pasand aaygi. Isi tarah se humare blog pe visit karte rahe dhanyawaad.

*Tags*

#matar ki gravy wali sabji recipe

#matar me kya kya pdta hai

#matar ki rasse wali sabji in hidi

#dhaba style matar ki sabji

#matar ki gravy wali sabji in hindi