Kam sabjiyo wala pulav : Sasta aur swadist vyanjan

*Kam sabjiyo wala pulav  : Sasta aur swadist vyanjan*

Bharat me pulav ek aisi dish hai jo har kisike ghar me banne wali dish hai. Jise har ghar me alag alag variety ke saath banaya jata hai. Jaise ki vegetable pulav, white pulav, Maharashtrian masala bhat, Aalu bhat, matar pulav, Tava pulav, Paneer pulav aise kayi prakar ke pulav banaye jata hai. Jo bahut hi Swadishth aur aasan Dish hai, usike saath bahut hi jhatpat bananewala pulav hai.

To Chaliye banate hai aasan tarike se Kam Sabji me banane wala healthy aur tasty pulav.

*Ingredients*

1) rice

2) Sukha green matar

3) Kundru(tondle)

4) Aalu

5) Pyaj

6) Hari mirch

7) Kadhi patta

8) Tomatoes

9) Dhaniya patti

10) Adark Lahsun paste

11) Jeera

12) Rai

13) Dalchini powder(Kalmi)

14)Tejpatta

15) Elaichi

16) Longe

17) Kale  miri

*Nutritious Values*

Vegetable pulav khane ke waise to kayi prakar ke fayde hai. To Chale dekhte hai vegetable pulav khane ke fayde.

1) Pachan ko achha rakhne me chaval kafi faydemand mane jate hai, Kyunki chaval me maujud starch aur fibres pachan prakriya ko achha rakhne me bahut madat hota hai.

2) Usi prakar pulav me kayi sabjiyo ka istemal kiya jata hai. kyunki sabjiyo me fibre ki matra jada hoti hai, usi tarah jis khade masalo ka hum vegetable pulav me upyog karte hai vo bhi kafi faydemand hota hai. Isliye pachan ko healthy rakhne me vegetable pulav ek faydemand option hai.

*Vegetable Pulav Banane ka Samay*

        35 minutes  te 40 minutes

*Vegetable Pulav Banane ki Vidhi*

1) Vegetable pulav banane ke liye sabse pahle ek badi kadhai ya bade bartan me Oil garam kar le. Uske baad usme tejpatta, rai, jeera, Longe, Elaichi dal de.

2) Uske baad Kadhipatta, hari mirch aur Pyaj dal de aur golden brown hone tak pakne de, Saath me adrak aur lahsun ka paste aur baad me dalchi(kalmi) dal de.

3) uske baad matar dale(matar ko 5 se 6 ghante bhigo de usike baad use kare).

4) Baad me aalu, Kundru(tondle) aur apke paas aur bhi sabji ke option ho to use bhi aap dal sakte ho. Inhe achhe se mix kar le aur achhe se pakne ke liye dhak ke rakhe.

5) Uske baad tomatoes, namak aur haldi powder dale aur soft hone tak pakne de. Chawal ko pahle hi dhokar rakhe. Baad me dhule huye Chawal dale dale vo achhe se mix kar le.

6) Chawal ko fulne tak fry karte rahe. Baad me chawal se do guna chawal dale aur ubal ane tak wait kare.

7) Chawal ka pani khtm hone par use thode dhime aach pe tave par rakhle.

Uske baad dhaniya patti dalkar mix kar le aur chawal ko achhe se paka le…. Chawal achhe se pakne ke baad use ek bar mix kar le aur dhak ke rakhe.

 Abhi apka Swadishth vegetable pulav banke taiyar ho chuka hai.

*Note*

Is blog ke jariye hamne apko vegetable pulav banana bataya hai. Waise to vegetable pulav me aap kisi bhi sabjiyo ka upyog kar sakte hai, lekin hamne apko ghar aasan aur jaldi jo bhi sabji available ho us method se vegetable pulav banana bataya hai. Ise aap kadhi ke saath ya achar ke saath ya aise hi kha sakte hai. Isme aap bina vegetable ke aap  alu dal ke hi banaya ja sakta hai. Isese vegetable pulav ke taste me koi kami nahi ayegi…..

*Written by Nutritious Chaska*

Is blog ke jariye humne apko ek aasan aur healthy dish vegetable pulav bnana btaya hai. jo bahot hi simple aur tasty aur zatpat banane wala pulav hai. jise humne kam aur ghar me aasani se milne wale sabjiyo se banana bataya hai. hum aasha karte hai ki hamari batai hui recipe apko jarur pasanda aye. Hamare blog pe visit karne ke liye dhanyawad. Isi tarah se hamare blog pe visit karte rahe.

*Tags*

#vegetable pulav in hindi

#bina cooker ke veg pulav kaise bnaye in hindi

#vegetable pulav

#vegetable pulav(veg pulav) recipe in hindi