Matki Usal Recipe : Healthy aur poshan se bharpur vyanjan

*Matki Usal Recipe : Healthy aur poshan se bharpur vyanjan*

        Matki usal ek Indian dish hai jisse har ghar me naste ke rup me , ya chawal ke saath, ya roti ke saath, ya simple pav ke saath matki dalkar missal banaya jata hai. Aise alag alag variety ke saath matki usal banaya jata hai, Jo ki Maharashtra ki special dish hai, Jo naste ke liye ek tasty aur healthy option hai.

        To Chaliye banate hai simple method se matki usal.

*Ingredients*

1)Matki (Matki ko achhe se dhokar ek kapde me bandh ke ek din ke liye ankurit hone ke liye rakh de)

2) Rai

3) Jeera

4) Pyaj

5) Kadipatta

6) Hari mirch

7) Tomato

8) Dhaniyapatti

9)Haldipowder

10) Lalmirch powder

11) Sugar (Swadanusar)

*Nutritious Values of Ankurit Matki*

1) Matki me bharpur matra me zinc paya jata hai, jis ke karan apke Immunity power ko badhane me kafi madatgar sabit hota hai.

 2) Matki me fibre ki matra bhi adhik hoti hai is wajah se pachan ko achha rakhne me matki ka sevan karna kafi faydemand hota hai.

3)Matki ka upyog salad ki tarah ek side ki dish ki tarah aap kar sakte hai, isme fibres ki matra jyada hone ki wajah se salad ki tarah iska sevan karte hai jo weight loss karne me bhi behad faydemand hai.

4) Isi tarah matki me protine, calcium ki matra adhik hoti hai saath hi saath isme kayi prakar ke vitamin aur minerals hote hai jise hum apne diet me shamil karke ek achha aur healthy aahar le sakte hai.

 

*Matki Usal Banane ka Samay*

       30 se 35 minutes

*Matki Usal Banane Ki Vidhi*

1) Matki usal banane ke liye sabse pehle kadhai me oil garam kar le oil garam hone ke baad rai aur jeera dale.

2) Uske baad barik kate huye pyaj , kadipatta, hari mirch dale aur golden brown hone tak wait kare.

3) Baad me barik kate huye tomato dalkar mix kare aur namak dalkar tomatoes soft hone tak pakne de aur baad me haldi powder aur lal mirch powder dale.

4) Uske baad swada anunsar thodi chini dale aur ankurit matki dalkar achhe se mix kar le.

5) Baad me matki ko masalo me soft hone tak pakne de aur dhak ke rakhe aur bich bich me mix karte rahe.

6) Uske baad matki ko achhe se mix kar le dhaniya patti dalkar achhe se mix kar le.

Hamari matki ki Usal banke taiyar hai is aa paise hi simple naste me kha sakte hai, ya roti ke saath ya chawal ke saath missal ki tarah kha sakte hai.

*Note*

Matki usal ek aisi dish hai jo bahot hi swadishth aur healthy dish hai ise aap naste me matki ke upar sev dalkar barik kati hui pyaj aur tomato aur upar se nimbu ka ras dalkar serve kar sakte hai. Jiske swad bahot hi tasty hota hai. Aap poha ke saath bhi ise serve kar sakte hai jo ki khane bahut hi swadishth lagta hai. Aur ek healthy dish ke rup me aap ise kha sakte hai.

*Written By Nutritious Chaska*

       Is blog ke jariye humne apko ek aasan swadishth aur healthy dish matki usal banana bataya hai. Jiske fayde jitney bataye jaye utne kam hai jise bachho aur badho ke liye bhi ek healthy dish ke rup me banaya ja sakta hai. Hum aasha karte hai ki hamari batayi hui recipe apko Jarur pasand Aaye. Hamare blog par visit karne ke liye Dhanyavad. Aise hi hamare blog par visit karte rahe…

*Tags*

#matki usal recipe

#matki usal recipe in hindi

#matki usal banane ke vidhi

#Maharashtriyan recipe matki chi usal

#Ankurit matki ki usal recipe in hindi

#How do you cook matki usal?