Tamatar ka khatta mitha achar : Desi swaad ka anubhav

 

*Tamatar ka khatta mitha achar : Desi swaad ka anubhav *

Apne tamatar ki chutney to khai hogi. Lekin aaj hum apko btane wale hai tamatar ka khatta mitha achar. Jo ki khane me bahot tasty aur lajwab hota hai. Jise ap roti ya kisi paratha ke sath kha sakte hai. Ise humne bahot hi simple tarike se bnaya hai. Jise khakar bachhe bhi bahot khush ho jayenge. To aaiye bnate hai, tamatar ka swadist khatta mitha achar.

*Ingredients*

1. tamatar 1kg.

2. oil (ap sarso ka oil bhi use kar sakte hai)

3. imli ka pulp

4. rai

5. jeera

6. lahsun

7. methi dane

8. lal mirchi

9. hing

10. haldi powder

11. mirchi powder

12. namak.

*Nutritious values*

Tamatar me vitamin c , licopim, vitamins, potacium, jyada matra me paye jate hai. Aur isme colestroll ko kum karne wale nutritious paryapt matra me milte hai. Isliye weight loss ke liye tamatar kafi faydemand hai.

*tmatar ke fayde*

1. heart desige me faydemand.

2. pachan achha rakhne me faydemand.

3. skin aur hair ko behtar bnane me faydemand.

Tamatar ka sevan  dusre aahar ki tarah sahi matra me ek santulit aahar ke tarah hi karna chahiye.

*tamatar ka khatta mitha achar bnane ka samay*

           35 se 40 minuts.

*tamatar ka khatta mitha achar bnane ki vidhi*

1. sabse pehle tamatar ko achhese dhokar sukhakar rakh de. Aur tamatar ko tukdo me cut kar le.

2. kadhai me 2 se 3 chammch oil dale, oil garam hone ke bad barik kate tamatar dale.

3. ab tamatar ko pani sakne tak pka le, bich bich me achhese mix karte rahe. Isme 2 chammach imli ka pulp (paest) dale. Aur mix kar le.

4. tamatar thick (gadha) hone ke bad Thanda karke pest bna le. (mixer me pis le)

5. ab kadhai me 4 se 5 chammch oil garam kar le. ( ap jitna achar bna rahe hai, uske anusar oil dale)

6. 2 chammch rai, methi ke dane, aur 1 chammch jeera dale. Aadha chammch hing dale.

7. 3 se 4 lal mirchi ke tukde kar ke dale. Ab tamatar ka paste dale. Aur achhese mix kar le. Aur oil chutne tak pkne de.

8. lahsun ki kaliyo ko cut kar ke dale. (ap oil me pehle bhi dal sakte hai). Achhese mix kar le. Namak haldi aur lal mirchi powder dale. Aur pkne de.

9. thoda gud dale. (ap apne anusar kum ya jyada dal sakte hai). Paste ko gadha hi bnana hai. Pani bilkul bhi nahi rehna chahiye.

10. hum achar bana rahe hai, isliye pani ko pura sok le. Pani bilkul bhi nahi rehna chahiye. Iska dhyan de.

Tamatar ka swadist khatta mitha achar bnke tyar hai.

*Note*

Tamatar ka achar itna swadist hota hai ki, ye aap bina sabji ke bhi simple roti ya kisi paratha ke sath kha sakte hai, agar ap tamatar ke achar me koi ingredients skip karna chahte hai, to kar sakte hai. Is se tamatar ke achar ke swad me koi farak nahi aayega. Bus apko jyada matra me achar ka sevan nhi krna hai. Kisi bhi aahar ko jarurat se jyada nahi khana chahiye. Is se apki health ko nuksan ho skta hai. Iska avasya dhyan de.

*written by nutritious chaska*

Humne is blog ke jariye apko tasty aur instant tamatar ka khatta mitha achar bnana btaya hai. Jo ki bahot hi swadist aur chatpata hai. Bade aur bachhe bhi ise bade  chav ke sath khana pasand karte hai. Iske sath sath humne tamatar me paye jane wale nutritious ke bare me btaya hai. Apko dhyan dena hai ki, tamatar ke achar ka ya tamatar se bane kisi bhi aahar ka prayog jrurat se jyada nahi karna hai. is blog ke jaruye humne jo bhi upay ya salah btai hai, wo apki jankari ke liye hai. Kisi bhi upay ya salah ko aajmane se pehle expert ki salah jarur le. Hum aasha karte hai ki humari btai hui recipe apko jarur pasand aayegi. Isi tarah humare blog par visit karte rahe, dhanywaad.

*Tags*  

#tamatar ka khatta mitha achar

#tamatar ka achar

#tamatar ka khatta achar

#tamatar ka mitha achar

#lahsun tamatar ka spicy achar