Nagpur Special Pataudi Rassa : Swadist Nagpuri Vyanjan

 

* Nagpur Special Pataudi Rassa : Swadist Nagpuri Vyanjan*

Pataudi ki sabji Vidarbha me (Maharastra ke poorvee bhag) ki ek paramparik dish hai. Agar aap Vidarbha se hai, to aapne shyaayad iske bare me suna hoga. Kayi jagah par ye shadi ka lokpriya menu hai.

Maharashtra me Pataudi ki sbji ka ek bahot hi sthan hai , koi bhi khas function is tarri wali sabji ke bina pura nahi hota.

Pataudi ki sabji jaise swaad me lajwab hai, waise bnane me bhi bahot aasan hai.             *INGREDIENTS*

1. besan   2. Pyaj  3. Hari mirch  4. Kadipatta  5. Jeera  6. Rai  7. Hing   8. Haldi powder  9. Namak  10. Lal mirchi powder  11. Lahsun 12. Oil  13. Narial ka burada(kis)  14. Dhaniya patti  15. Khaskhas   16. Tejpan   17. Tamatar .

    *NUTRITIOUS VALUES OF PATAUDI*  

Pataudi banane ke liye jo ingredients hum use karte hai, waise to sabhi ingredients hmare health ke liye faydemand hai. Kyu ki Pataudi recipe me masalo ka use kiya jata hai. Jo ki sabhi masala kisi na kisi rogo ke liye faydemand hai. Jaise ki, Tejpatta.

*TEJPATTA.

 Ka upyog hum masalo ke rup me karte hai. Masalo ke sath sath tejpatta rogo ke uper bhi upyogi sabit hota hai.

1) Diabetes ke liye faydemand :-

Diabetes ke liye , diabetes ke patients apni diet me tejpatta shamil kar sakte hai.  Kisi bhi sabji ya dal me tejpatta dalkar ap tejpatte ka sevan kar sakte hai. Experts ke anusar tejpatte me anti diabetic ke paye jate hai.  Jo ki bloud sugar control or kum karne me madat karti hai.

2) Infection hoga dur :-

Tejpatta me vitamin c ki matra bharpur matra me payi jati hai. Tejpatta me entibacterial gun jyada paye jate hai. Jis se infection hone se bacha ja sakta hai. Agar niymit rup se tejpatta ka pani pine se apki immunity bhi strong rahegi.

3) Body ki sujan ko kum kare :-

Tejpatte sujan se bachane me apki madat kar skta hai.  Agar daily ap tejpatta ka pani pite hai, to kisi bhi tarha ki sujan ko kum kiya ja sakta hai.

4) Kidney stone ki pareshani se bachav:-

Tejpatta ka pani daily pine se kidmeystone se paresyaan logo ko aaram mil sakta hai.

*LAHSUN.

Waise to lahsun sabhi rogo ke liye faydemand hai, lekin kuch rogo ke bare me hum bat karenge. Lahsun me bhi kaee gun paye jate hai. Weight loss ke liye lahsun medicin ki tarha kam karta hai.

Cholesterol ko kum karne me lahsun bhot upyogi sabit hota hai.

Diebeties ke liye faydemand.

Dama ke liye faydemand.

Sardi jukam or bukhar me labhakari.

Cancer me labhakari.

Pataudi me besan ka use kiya jata hai, besan ki koi bhi  recipe weight loss ke liye faydemand hai. Pataudi ek curry type recipe hai, jisme swaad to bharpur hota hai, lekin ye dish thodi spicy bhi hoti hai. ( isliye agar aap weight loss ke liye diet me is recipe ko shyaamil karate hai, to dhyan rakhe ki aapko ye recipe kam oil me or kum masalo ka use karke bnana hai. ( apko koi msalo se agar kuch problem ya  allergy hai, to aap masale skip bhi karoge to bhi swaad me koi kami nahi aayegi.

To chaliye aasan tariko se hum apko Pataudi ki sabji banana batayenge.

*PATAUDI BANANE KA SAMAY*

     60 minutes.

*PATAUDI SABJI BNANE KI VIDHI*

1. pehle pan ya kadhai me oil dale. Rai or jeera dalkar chutkne de, bad me barik kata huwa pyaj or adrak lahsun ka peast or kadipatta dale, pyaj brown hone ke bad tamatar or namak dale.

2. tamatar soft hone ke bad haldi powder or lal mirch powder dale. Uper se dhaniya patti dalkar pani dale. ( pani apko besan ki matra dhyan me rakhkar dalna hai.)

3. pani me ubal aane ke bad thoda thoda karke besan dale. Besan ko achhese mila le. Or dhak kar pka le.

       4. ek thali ya plet me, oil lga le. Besan pkne ke baad 

Oil lgai hui thali me besan ko dalkar ek saman faila le, or hatho se plain kar le.

       5. bad me Thanda hone ke bad Pataudi ko cut kar le. Or uper se dhaniya patti or narial kis dale.

     6. ab fir se ek kadhai me, oil dalkar garam hone de. Oil garam hone ke bad rai, tejpatta, jeera dale. Ab barik kati hui pyaj adarak lahsun ka paiest dale. Tmatar or namak dalkar pkne de. Tamatar soft hone ke bad haldi powder or lal mirch powder dale.

7. gravy ko achhese pkne de. Uper se jo masala ap use karte ho wo dale. Or jitna apko rassa (curry) chahiye utna pani dale.

8. sabji ko ubal aane ke bad gas off kar de. Or uper se Pataudi dale, or dhaniya patti dale.

Pataudi ki sabji serve karne ke liye tyar hai.

Pataudi ki Wadi Banane ki Vidhi

Pataudi ki Sabji Banane ki Vidhi

*NOTE*

    Pataudi banate wakt besan ko achhe se pakana hai tabhi Pataudi banegi.

Aap bina masalo ke bhi Pataudi ki sbji bana skate hai.

Agar aap pyaj ya lahsun nahi khate to aap bina pyaj or lahsun se bhi ye sbji bana skte hai, is se swad me koi kami nahi aayegi.

Bas pyaj or lahsun ke jagah apko adrak or baki masalo ke sath dhaniya patti masalo ke sath dhaniya or baki ka use jyada karna hai.

Pataudi ki sabji me besan ka prayog kiya jata hai jo protein ka bada source hai. Isiliye Pataudi ki sabji diabetes aur kidney disease me iska sevan kam kare.

Sath hi jihne acidity ki problem hai unhe ye khane se bachna chahiye. 

*Written by Nutritious Chaska:->

Nutritious Chaska blog pe apka swagat hai hamare blog par apko traditional dishes, aur swad se bharpur dishes ki Jankari saza karai jayegi, traditional ke sath sath apko modern recipe bhi yaha sikhne ko milegi.
*Tags:-> #Nagpuri style Pataudi rassa
#Vidarbha style Pataudi ki sabji
#Saoji style Pataudi ki sabji
#Besan se bani Pataudi ki sabji