Gavarfalli ki sabji Mungfalli ke saath : Swadist vyanjan

 

*Gavarfalli ki sabji Mungfalli ke saath : Swadist vyanjan*

Gavarfalli ek aise sabji hai jo Bharatiya gharo bade hi aanand ke saath khayi jati hai. Gavarfalli ki(Custer beans fry) sabji uttar bharat me banayi jati hai. Ye bahut hi swadishth sabji hoti hai. Ise aap simple dal chawal ke saath kha sakte hai. To chaliye banate hai aasan tarike se gavarfalli ki sabji.

*Ingredients*

1) Gavarfalli 2) bhune hue mungfalli ka powder 3) pyaj 4) til(Sesame)  5) Tomatoes 6) Jeera 7) Rai 8) Dhaniya patti 9) Namak(Salt)  10) Lal mirch powder 11) haldi powder 12) oil.

*Nutritious values of Gavarfalli*

Waise to Gavarfalli ka use hum sabji banane ke liye karte hai. Lekin sabji banane ke saath saath Gavarfalli kayi prakar ke rogo ke liue bhi fayademand hai.

1. Weight loss:- Gavarfalli me bahut kam calorie hoti hai isiliye gavarfalli aap apne diet me shameel kar sakte ho isse weight loss karne me kafi madat hogi. Gavarfalli me proteins, minerals ke saath saath fibre bhi hote hai.

Kam calorie hone se protein ki matra jyada hone ke karan gavarfalli ka upyog heart disease me bhi kar sakte hai.(bus apko doctor ya expert ki salah ke aanusar sevan karna hai)

2. Gavarfalli me paye janewale nutrients :-

Gavarfalli me iron ki matra 75% hoti hai. Gavarfalli me vitamin ‘C’ ki matra 55.6%, phosphorus ki matra 35.71%, Calcium 10%, protein ki matra 8%, fibre 10% Aur potassium 15% ki matra me hota hai. 

Gavarfalli me nutrients jaise ki vitamin ‘A’ , vitamin ‘K’, vitamin ‘C’, folate, carbohydrate, phosphorus, calcium aur potassium etc. ye sabhi Nutrients paryapt matra me hote. Isliye gavarfalli ko nutritious values se bharpur aur swasth ke liye faydemand mana jata hai.

3. Diabetes me Labhkari:-

Gavarfalli me Glycol nutrient paya jata hai jiske karan ye blood ke sugar level ko kam karta hai isliye gavarfalli ka upyog ke fayademand hai.

4. Healthy Brain ke liye fayademand:-

Gavarfalli me paye jane wali folate vitamin, hypoglycemic values brain ko aur nervous system ko relax rakhane me madat karta. Saath saath ye brain ko shant bhi rakhta hai.

*Gavarfalli ke Side Effects*

Waise to gavarfalli sabhi ke sehat ke liye fayademand hotih hai lekin gavarfalli ka jyada sevan sehat ke liye hanikarak hota hai.

Gavarfalli jyada matra me khane se pet kharab ho sakta hai kyunki gavarfalli me jyada  matra me dietary fibre hota hai jiske karan gastro intestinal problems ho sakti hai. Jiske karan pet dard ki problem ho sakti hai.

*Nutritious Values Of Til(Sesame):-

1) Hypertension ko dur karne ke liye:- Til ka natural oil high blood pressure ko kam karne me madat karta hai. Ye Cardiovascular system se tanav ko dur karke kayi prakar ke heart se related rogo hone se rokta hai. Iske alava isme paye janewala Magnesium hypertension ko kam karne me madat karta hai. Til ke beej se hame dainik jarurat ka 25% magnesium prapt hota hai.

2) Diabetes ko Control karne me Labkari:- Magnesium ke saath saath til ke beej me paye janewale tatva diabetes ko kam karne ke liye jane jate hai.

Iske alava ye Type 2 diabetes se affected logo ke liye bhi kafi fayademand hai.

*Gavarfalli ki Sabji banane ke samay:-

30 min

*Gavarfalli ki Sabji banane ki Vidhi*

1. Sabse pehle gavarfalli ko soft hone tak ubal le, gavarfalli thandi ho jane par tod le.

2. Ab sabji banane ke liye pan ya kadhai me oil garam kar le. Oil garam hone ke baad rai aur jeera dale baad me pyaj dalkar golden brown hone tak wait kare.

3. Baad me Tomatoes aur namak dalkar soft hone tak pakne de. Tomato soft hone ke baad  haldi powder aur lalmirch powder dale. Gravy ko thodi der pakne de.

4. Baad me til (sesame) aur gavarfalli dalkar achchhe se  mix kar le upar se bhuni hui moongfalli ka powder dale aur thodi der masalo ke saath gavarfalli ko pakne de.

5. Gavarfalli ki sabji ko achchhe se paka le. Gavarfalli ki sabji pakne ke baad upar se dhaniya patti dale.

        Gavarfalli sabji moongfalli ke saath bankar serve karne ke liye taiyar hai.

*NOTE:-

Hamare blog par di hui jankari aap ke jankari ke liye hai. Hum apse namra nevedan karte hai ki kisi bhi salah ya upay ko ajmane se pehle apne expert ki salah jarur le.

*Written by Nutritious Chaska:->

Is blog ke Jariye, hum apko  Bharatiy gharo me khane jane wali gavarfalli ke sbji recipe ki jankari saza karte hai.

        Aur uske sath sath gavarfalli kaise hamare sehat ke liye faydemand hai iski bhi jankari saza karte hai, gavarfalli jaise hamare sehat ke liye faydemand hai waise hi jyada matra me gavarfalli ke sevan hamare sehat ke liye hanikarak bhi hai hamare blog ke jariye yahi jankari hum aap tak pahuchana chahte hai. Isi tarah hmare page par visit karte rahe , Dhanywaad.

*Tags :-> #Gavarfalli ki sabji with mungfalli.

#tasty and easy gavarfalli sabji.

#gavar sabji video

#sabji recipe

#dinner sabji recipe

#gavar sukha

#gavar bhaji

#falli sabji

#gavar vegetable

#gavar sabji information