*Urad dal ke Panvade ki Sabji : Ek desi tadka*
Urad dal ke Panwade banane ke liye urad
dal bina chhilkewali leni hai. Agar aap chhilkewali urad dal ka prayog karte ho
to urad dal dhokar uska chhilka nikal lena hai. Sabse apko urad dal ko 3 se 4
baar dho lena hai. Baad me urad dal me 6 se 7 ghante ya raatbhar pani me bhigoke
rakhna hai. Bhigoyi hui dal ko chhanni me nikalkar rakhna hai. Pani pura nikal
lene ke baad urad dal ko mixer me pis lena hai. To aayiye hum shuru karte hai Nagpuri
special urad dal ke panwade ki sabji banana.
*Ingredients*:->
1) Urad dal
bina chhilke wali. 2) pyaj 3)Kadhipatta 4) Adrak lahsun. 5)Namak 6)oil 7)haldi
powder 8) Lalmirch powder
9) masala
10) jeera 11) rai 12) Tomatoes 13) Tejpan
14) dhaniya
patti
*Nutritious Values of Urad dal*:->
Bharat me
urad dal ka khane me bahut upyog kiya jata hai.
Isiliye urad
dal ke fayde aur Nuksan janana hamare liye bahut jaruri hai. Urad dal ka Bhartiya
vyanjno me alag hi sthan hai. Urad dal me nutritious values payi jati hai jiske
karan urad dal kayi rogo ke liye bhi fayademand hai.
Urad dal me
paye janewale nutritious values ke karan iska upyog headache, fever, Swelling(Sujan)
is tarah ke rogo me fayademand hota hai.
*Headache ke liye faydemand:- Aajkal lifestyle
change hone ke karan ya office work ke karan ya bhagdoud wali jindgi ke karan
jyada se jyada log headache se pareshan rahte hai. Isse nijat pane ke liye aap
iska prayog kar sakte ho.
*Skin ke liye fayademand :-> Ayurved ke
upchar me lag bhag har prakar ke skin se related problem ke liye urad dal ke kadhe
ya paste ka upyog kiya jata hai. Isse skin se related problems se teji se upachar
aur chhutkar pane aur skin ki satah aur skintan kam karne me bhi fayademand hai.
*Urad dal se honewale Nuksan:-> Waise urad
dal se koyi problem nahi hoti lekin iske jyada sevan se body me uric acid ki
matra jyada vad sakti hai isliye urad dal ka kam upyog hi kare. Aur expert ki
salah se hi apni diet me shameel kare.
Kisi bhi upchar ya upay ko karne se pehle
expert ki salah jarur le.
*Urad dal ki panwade ki sabji banane ka samay*
40 se 45 minutes
*Urad dal ki panwade ki sabji banane ki Vidhi*
1. Sabse
pehle urad dal ko pani me 5 se 6 ghante bhigokar rakhe. Sabji banane ke 1 ghante pehel us dal
ko chhanni me nikal ke rakhe.
2. Dal ko
mixer me thoda thoda karke pis le(pani bikul bhi nahi dalna hai). Piste waqt lashun,
jeera, dhaniya patti dale. Dal ko chikna pis le.
3. Sabji
banane ke liye pyaj, adrak, lahsun aur jeera dalkar paste bana le.
4. Ek pan me
oil garam kar le. Oil garam hone ke baad rai, tejpan aur jeera dale.
5. Sabji ke
liye jo paste banaya hai vah dale, golden brown hone tak pakne de. Tomato aur
namak dalkar tomatoes soft hone tak gravy ko pakne de.
6. Gravy me Oil
chhutne tak pakne de. Lalmirch powder aur haldi powder dalkar mix kar le.
7. Mix karne
ke baad pani ko ubal aane tak wait kar le.
(Sabji me Jyada pani dale) kyunki panwade ko
hume jyada der tak pakana hai. Pani me panwade ka ark utarna chahiye.
8. Pise hue
urad dal me lalmirch powder haldi powder namak, masala, jeera aur dhaniya patti
dale.
(kadhipatte
ko barik kat kar dal sakte hai)
9. Sabji me
ubal ane ke baad masala powder dale(jo masala aap use karte ho vah dal sakte
hai)
10. Ab
chhote size ke wade banakar ek ek karke sabji me dale. Medium ya low flame gas pe
sabji ko achhi tarah pakne de.
11. Wade ko
hume jyada der tak pakana hai jab tak ke wade pak na jaye. Sabji ko thoda thik
hone tak paka le.
12. Sabji achhe
pakne ke baad dhaniya patti dalkar achhe mix kar le.
Swadishth Panwade ki sabji serve karne
ke liye taiyar hai.
*NOTE:-> Panwade ke sabji me humne urad dal ka upyog kiya hai, isiliye agar a
ap urad dal khana
pasand nahi karte to aap mung dal ka bhi use kar sakte hai, wo bhi teast me kafi achhi lagti hai.
Panwade ki sabji jo ki hum urad dal se
banate hai, isiliye urad dal ka upyog hamesha nahi karna chahiye isliye panwade
ki sabji aap kabhi kabhi special dish ki tarah bana sakte hai.
*Written by Nutritious Chaska:->
Is blog ke
jariye hum aapko Vidarbha me banane wali panwade ki sabji banana bata rahe hai.
Waise to vidarbh me aur zadipatti me panwade ki sabji ko pasand kiya jata hai. Lekin
Nagpuri special panwade ki sabji ko jyada pasand kiya jata hai.
Panwade ki sabji bahut hi swadishth hoti
hai.
Is blog ke
jariye humne aapko panwade ki sabji ke recipe ke saath saath urad dal se hone
wale fayade aur Nuksan ke baare me bataya hai. Hum aasha karte hai ki hamare
blog par batayi hui jankari aapko jarur pasand aayegi.
Hamare blog
par visit karne ke liye aapka Dhanyavad. Aur hum aasha karte hai ki isi tarah
aap hamare blog par visit karte rahe.
* Tags:-> #urad dal ki panwade ki sabji
#panwade ki sabji
#Nagpuri panwade ki sabji
#Vidarbha special panwade ki sabji
#Panwade ki rassa bhaji
#special tarri style panwade ki sabji
#panwade recipe
#dinner sabji
#Saoji special panwade ki sabji
No comments:
Post a Comment
Thanks!!! For Your Visiting to Our blogs. If you have any doubt please let me know.