Tasty imli ki chutney recipe : khatti mithi chatpata swad ka anubhav

 

*Tasty imli ki chutney recipe : khatti mithi chatpata swad ka anubhav*

Imli ki khatti mithi chutney ek aisi tasty aur aasan dish hai, jise aap kachodi, dahi bade, samose, kisi bhi chaat , aur kisi bhi prakar ke snaks ke sath kha sakte hai. ghar me humne ise healthy ingredients aur aasan tarike se bnana btaya hai, to chaliye bnate hai aasan tarike se imli ki khatti mithi chutney.

*Imli ki khatti mithi chutney banane ke liye ingredients*

1. imli (imli ka pulp)

2. oil

3. jeera

4. hing

5. 5 se 6 batti

6. namak

7. lal mirch powder

8. sounth (adarak ka powder)

9. kala namak

10. kali mire powder

11. bhuna jeera powder

12. chini (4 chammach)

*Nutritious values*

Waise to imli ka upyog bahot sare recipe me kiya jata hai. jaise khane me swaad bdhane ke liye, waise hi Ayurveda me bahot sare rogo ke liye imli ko ausadhi ke roop me istemal kiya jata hai. to jante hai ki imli ke fayde kya hai.

*pregnant lady ke liye imli ki candy ka upyog pachan me sudhar karne ke liye kafi faydemand hota hai. isi ke sath imli ka upyog imli ka sup bnakar gale me dard bukhar aur nak behne ke liye kafi faydemand sabit hota hai.

*imli ka upyog balo se judi problem ke liye bhi kiya jata hai. jaise balo ko badhane me imli ka paste kafi madat kar sakta hai. balo me paye jane wali rusi ko kum karne me imli ka paste kafi faydemand sabit hota hai.

*imli me vitamin c, vitamin a, aur baki anti-oxidant paye jate hai. jo skin se related problems ke liye kafi faydemand hai. jaise ki muhaso ki samassya ke liye, aur keel ke liye, imli me anti-microbial goon bhi paye jate hai. jo skin ko sukun pradan karte hai.

*imli ka upyog weightloss ke liye bhi kiya jata hai. imli me hydrosol acid ki matra bhi jyada roop me payi jati hai. is acid se body me me banane wali atirikt charbi ko burn karne wale enzyme ko badhakar body ka weight kam karne me kafi madat karta hai. is ke karn hame bahot samay tak bhuk nahi lgti aur weight ko kum karne me kafi madat milti hai.

*Imli ki khatti mithi chutney bnane ka samay*

                30 se 40 minuts.

*Imli ki khatti mithi chutney bnane ki vidhi*

1. imli ki chutney bnane ke liye imli ko ek ghanta pani me bhigoke rakhe. (turant bnane ke liye garam pani me bhigokar rakh sakte ho)

2. 1 ghante bad imli ka pulp nikalkar mixer me paste bna le.

3. ab pan me 2 se 3 chammach oil garam kar le. Uske bad jeera dalkar chatkne de, aur hing dalkar imli ka bnaya huwa paste dale, aur mix kar le.

4. ab gud ko crush kar ke dale. Is se gud jaldi mix hoga. Uske jeera ko bhunkar powder bnakar dale.

5. kali mire ka powder dalkar mix kar le. Ab adarak (sunth) ka powder dale. Namak aur lal mirch dalkar mix kar le.

6. ab 3 se 4 chammach sakkhar (chini) dale, aur 2 chammch kala namak dalkar achhese mix kar le.

7. chammach ko coating aani chahiye. Is se pta chalta hai ki imli ki chutney tyar hai.

*Note*

Imli ki chutney bnate samay agar aap kuch ingredients skip karte hai, to bhi aap kar sakte hai. is se taste me koi kami nahi aayegi. Aap ise kisi bhi paratha, snaks, panipuri, samose, kachodi ke sath aap kha sakte hai. lekin agar apko imli se koi problem hai to aap apne expert ki salah se ya advice ke bin ana khaye. Iska avasya dhyan rakhe.

*Writen by nutritious chaska*

Is blog ke jariye humne apko aasan tarike se imli ki khatti mithi chutney banana btaya hai. jo ki bahot tasty aur healthy dish hai. hum aasha karte hai ki hamari dish apko jarur pasanda aye. Hamare blog pe visit karne ke liye dhanyawad. Aise hi hamare blog pe visit karte rahe.

*Tags*

#imli ki khatti mithi chutney bnane ka aasan tarika

#bajar jaisi imli ki chutney kaise bnate hai

#imli ki chutney bnane ki vidhi