Gehu Ke Aate Ka Crispy Dosa : Tomato Ki Chutney Ke Saath Swadist Vyanjan

 

*Gehu Ke Aate Ka Crispy Dosa : Tomato Ki Chutney Ke Saath Swadist Vyanjan*

Gehu ke aate ka dosa, bharat me banane wala ek Swadishth aur healthy aur Jaldi banane wala Bhartiya dish hai, Jo ke khane me bahot hi tasty aur lajawab lagta hai.

Jise kisi bhi chutney ke saath khaya Ja sakta hai to aaj hum banayenge tomato ki chutney ke saath.

To Chaliye  banate hai aasan aur zatpat Gehu ke aate ka dosa Tomatoes ki Chutney Ke Saath.

*Ingredients*

*Gehu ke aate ka dosa banane ke liye Ingredients*

1) gehu ka aata - 1 katori

2) rava (suji) -3 se 4 chammach

3) jeera

4) namak

5)sakhar (chini)

6)dhaniya patti

7) pani

*Tamatar ki chutney banane ke liye ingredients*

1) Tomato- 3 se 4(quantity ke anusar)

2)Pyaj

3)Hari mirch

4) Kadipatta

5) Dhaniya patti

6) Namak

7) Haldi powder

8) Methi ke dane

*Nutritious Values*

Gehu ke aate me paye jane wale Nutrients.

1) Gehu ke aate se bani rotiyo me  Iron, Sulphur, Copper, Zinc, Magnese jaise Minerals paye jate hai. Isiliye dietician daily khane me rotiyo  ka sevan karne ki salah dete hai. Isme paye janewale nutrients hamare health ke liye bahot faydemand hote hai.

2) Isi tarah gehu ki roti me vitamin B ke saath  saath fibre bhi hota hai. Jiske wajah se weight loss aur Kabj se rahat dilane gehu ka aata kafi faydemand sabit hota hai.

3) Gehu ke aate se bani rotiyo me Carbohydrates ki matra hoti hai. Carbohydrate se hamare body ki sabse Jayda Urja ki Jarurat puri hoti hai.

*Gehu  ke aate ka Dosa(Chila) Aur Tomato Chutney banane ka samay*

30 se 35 minutes

*Gehu Ke Aate Ka Dosa banane Ki Vidhi*

1) Dosa banane ke liye 1 katori gehu ka aata lenge, usme 3 se 1 teaspoons rava(suji) le.

2) Pani dalkar achhe se mila le aur iska patla ghol bana le aur achhe se mix kare.

3) Uske baad jeera, namak aur 1 teaspoon chini dale.(Chini ap apne hisab se kam jyada dal sakte hai)

4) Dhaniya patti dale uske baad achhe se mix kar le.

5) Uske baad tawa garam kare aur hamne jo batter banaya hai wo dal de aur achhe se Faila de.

6) Thodi der ke liye dhak ke rakhe uske baad dosa ko nikale aur dusre side se hone de.

7) Dosa banke tyar hai.( Usi process se saare dose bana le)

Dosa banke tyar hai….

*Tomato Ki Chutney Banane Ki Vidhi*

1) Dosa ke sath tomato ki chutney banane ke liye pyaj, hari mirch, Kadipatta, tomato ko barik cut kar le.

2) Uske bad kadhai me oil garam kare. Oil garam hone ke baad usme rai aur jeera dale. Methi dane dale, Kadipatta, hari mirch dale.

3) Baad me Pyaj dalkar golden brown hone tak wait kare.

4) Uske baad tomato dalkar achhe se mix kare aur namak dalkar tomato soft hone tak pakne de.

5) Baad me tomato soft hone ke baad lal mirch powder aur haldi achhe se  mix kar le.(aap isme thoda pani bhi dal sakte hai.)

6) Tomato puri tarah se pakne ke baad barik kati hui dhaniya patti dalkar achhese mix kar le.

7) Tomato chutney dosa  ke sath khane ke liye taiyar hai.

*Note* :-

Is recipe me hamne jo Ingredients use kiya hai wo bahot hi healthy aur recipe ka swad badhane wale ingredient hai. Jaise ki hamne gehu ke aate ka dosa banaya hai, isme hamne suji bhi dali hai. Gehu ka aata aur suji dono hi hamare health ke liye bahot hi achhe hai aur usi tarah tomato ki chutney bhi hamne simple ingredients ka use karke banai hai, isiliye ye recipe aap naste ke saath kha sakte hai. Gehu ke aate ke dose ke saath aap kisi bhi prakar ki chutney kha sakte hai, jo ki khane me bahot hi swadishth lagta hai.

*Written by Nutritious Chaska *

Is blog ke jariye hamne apko gehu ke aate ka dosa aur tomato ki chutney banane ki recipe batayi hai, jo khane me bahut hi swadishth aur health ke liye bahut hi behtar dish hai. Hum aasha karte hai ki hamari ye aasan tarike se batai gayi dish aap sabhi ko kafi pasand ayegi. Hamare blog pe visit karne ke liye aap ka bahut bahut dhanyvad. Isi tarah hamare blog pe visit karte rahe.

*Tags*

#Gehu ke aate ka instant dosa with tomato chutney

#Gehu ke aate ka instant dosa in hindi

#Gehu ke aate ka instant dosa tomato ki chutney ke saath in hindi

#Gehu ke aate se banaye aasan aur healthy dosa in hindi

#Tomato ki chutney ke saath instant gehu ka chila in hindi.