Aalu tikki chaat recipe : Swad se bharpur instant vyanjan

 

* Aalu tikki chaat recipe : Swad se bharpur instant vyanjan *

Aalu tikki chaat ek street food hai. jo uttar bharat me special street food hai. lekin aaj pure bharat me lokpriya hai. aalu tikki chaat kisi bhi chutney yad ahi ke sath serve kiya ja sakta hai. jiska swad bahot hi chatakedar aur tasty hota hai. to chaliye bnate hai, aasan tarike se instant easy aalu tikki chaat.

*Ingredients*

1. uble aalu

2. namak

3. lal mirch powder

4. kala namak

5. bhuna jeera powder

6. mithi chutney

7. dhaniya patti

8. pyaj

9. tamatar

10. shev

11. dahi.

*Nutritious values*

* aalu tikki chaat ki ek plate 747 calorie hoti hai. aur usike sath carbohidred  345 kellory, aur protine, 106 calorie hai. aalu tikki chaat ki ek plet me 2000 kellory achhe calorie ki tulna me aawasyak ka lagbhag 37 pratishad pradan karti hai.

* aalu tikki chaat me dale jane wali dhaniya patti hmare liye bahot faydemand hai. isme vitamin c ki matra hoti hai. jo hmare pratirodhak kshamta badhane me kafi madat karta hai. dhaniya patti colestroll ko kam karne me bhi kafi madat karta hai.

* dahi me probiotics ek halke rup me hota hai. isi ke sath dahi weight loss ke liye bhi bahot faydemand hai. daily life me dahi ka sevan karne se weight ko control krne me kafi madat milti hai.

* tamatar me vitamin c, licopim, potacium, nutrients bharpur matra me paye jate hai. isi prakar collestrol ko kum karne wale nutrients paryapt matra me milte hai, lekin kisi bhi aahar ke tarah tamatar ko bhi sahi matra me ek santulit aahar ki tarah hi sevan karna chahiye.

* pachan ko achha bnaye rakhne me pyaj ka sevan kafi faydemand hota hai aur usike sath sath pet ko swasth rakhne ke liye pyaj ko salad ke rup me kha sakte hai. pyaj me antiallergic, anti oxidant jaise kai prakar ke goon paye jate hai jo kayi prakar ke infection se bachne me madat kar sakte hai.

*Instant Easy Allu Tikki banane ka samay*

30 min se 35 minutes

*Instant Easy Allu Tikki Banane ki Vidhi*

1. Sabse pehle aalu ko ubal le aalu thande ho jane ke baad aalu ko haath se ya masher se mash kar lo.

2. Uske baad lal mirch powder, namak, kala namak, aamchur powder, bhuna jeera powder, dhaniya patti, chawal ka aata dalkar achhe se mix kar le.

3. Baad me hath me thoda oil lagakar halke haath se rounded chapti tikki bana le.

4. pan ya tave par oil garam kar le. Oil garam hone ke bad, eke k karke tikki ko shado fry (golden brown hone takt al le).

5. ek ek karke tikki ko palat le. Aur dono side se achhe se pka le.

6. bad me ek ek karke tikki ko nikal le. (aalu ki tikki tyar hai, ap ise kisi chutney ke sath ya snaks ke rup me kha sakte hai).

7. ab aalu tikki ki chaat bnane ke liye, ek bowl ya plate me aalu ki tikki ko rakh de.

8. ab uske uper dahi, hari chutney, mithi chutney, barik kati pyaj, barik kate tamatar, barik kati hui dhaniya patti, bhuna jeera powder, aur uper se barik shev, dalkar serve kare.

 Apki aalu tikki chaat serve karne ke liye tyar hai.

*Note*

Aalu tikki chaat bnate samay iska dhyan rakhe ki, apko isko turant bnakar khana chahiye. Pehle bnakar rakhne se iske flavour me change aa skta hai. aur aalu ki tikki bnate samay aalu tikki me chawal ka aata jarur dale. Is se aalu tikki aur achhi bnegi. Apko bs jyada matra me nahi khana chahiye. Ap kabhi kabhi snaks ke roop me ise kha sakte hai. hum apne blog me recipe ke sath kuch uske nutritients bhi btate hai, kisi bhi salah ko karne se pehle expert ki salah jarur le, ya iske bare me aur jan le. Uske bad hi kisi chij ka prayog kare.

*Writen by nutritious chaska*

Humne is blog ke jariye apko aasan tarike se aalu tikki chaat bnana btaya hai. jo bahot simple, instant bnane wali, aur tasty recipe hai. jo ki bachho ke sath sath sabhi ko jarur pasand aayegi. Aalu tikki chaat ka flavour bahot hi chatpata hota hai, ye ek street style food hai. jo ki aaj har street food shop pe milti hai. ise sab bade hi chav ke sath khana pasand karte hai. hum aasha karte hai ki, hmari btai hui recipe apko jarur pasand aayegi. Isi tarah humare blog pe visit karte rahe. Dhanywaad.

*Tags*

#instant aalu tikki chaat recipe in hindi

#aalu tikki chaat recipe

#aalu patis chaat

#aalu tikki chaat bnane ki vidhi

#aalu chaat bnane ki vidhi

#bajar jaisi aalu tikki chaat kaise bnaye

#aalu tikki bnane ki vidhi