Lahsun ke patto ke chile : Desi swaad ka Anubhav

 

*Lahsun ke patto ke chile : Desi swaad ka Anubhav*

Lahsun ke patto se bne chile ek traditional dish hai. kaee jagah inhe thandi ke dino me har ghar me bnaya jata hai. village me kaee jagah par log inhe alag alag tarike se bnate hai. khane me ye chile bahot hi tasty lagte hai. aur usike sath health ke liye bhi ye ek bahot healthy aur tasty option hai. lahsun ke patte jyadatar thandi ke dino me milte hai. aap inhe ghar par bhi aasani se lga sakate hai. lahsun ke patto se aise hi alag alag prakar ki kaee dishesh bnai jati hai.

Lahsun ke patto se bne chile ek unic aur tasty option hai. ye apke tifin box ke liye apke bachho ke lunch box ke liye bahot hi healthy aur tasty option hai. aap inhe bahot hi kam ingridients me bna sakte hai. to chaliye bnate hai aasan tarike se zatpat lahsun ke patto se swadist chile.

* Lahsun ke patto ke chile banane ke liye ingridients*

1. lahsun ke patte

2. tmatar 1

3. hari mirch 4 se 5

4. dhaniya patti

5. jeera

6. chawal ka aata

7. chawal

8. gehu ka aata

9. oil

10. namak

11. haldi powder

12. chini

*Nutritious values of lahsun ke patte*

Waise to lahsun ke patte hmari health ke liye kafi faydemand hota hai. inhe kin rogo ke uper kis tarah se inka upyog karna chahiye, to chaliye dekhte hai lahsun ke patto ka sevan karne ke fayde.

1. lahsun ke patte apne bhojan me shyamil karne se pachan tantra me sudhar lane me aur isi ke sath pet se judi har samassya ke liye lahsun ke patto ka sevan karna kafi faydemand sabit hota hai.

2. isi ke sath lahsun ke patto me vitamin B6, vitamin C, calcium, magnesium, fiber, zinc, potassium, jaise anek prakar ke nutrients paye jate hai. jo hamare body me aavasyak nutrients ki kami ko pura karta hai.

3. isi tarah lahsun ka upyog karne se apki pratirog kshmata ko majbut rakhne me kafi madat milti hai. har bimari se ladne me lahsun ke patto ka sevan karna kafi faydemand sabit hota hai.

4. usi ke sath lahsun ke patto ka sevan karna apke dil ke liye bhi kafi labhdayak hota hai. lahsun ke patte apne diet me apne bhojan me shyamil karne se dil se samandhit samassya ko kam karne me kafi madat milti hai.

5. usi tarah lahsun me antioxidant gun paye jate hai, jo sharir ko vishari padartho se bachav karne me kafi madat karta hai. aur usi ke sath apki sehat me sudhar lane me kafi madat karta hai.

*Lahsun ke patto ke chile banane ka samay*

                35 se 40 minutes.

*Lahsun ke patto ke chile banane ki vidhi*

1. sabse pehle lahsun ke patte ko achhese saf karke dho le. 3 se 4 bar ise pani me achhese saf kar le. aur uske bad pani sukhne ke bad inhe barik cut kar le.

2. uske bad jintne aap lahsun ke patte le rahe ho uske anusar chawal le. aur lahsun ke patte aur chawal ko ek sath pani me 4 se 5 ghante ya subeh se syam tak bhigoke rakhe. (lahsun ke patte se chawal thode kam hi use kare)

3. iske bad chawal aur lahsun ke patte achhi tarah bhigne ke bad, chawal fulne ke bad inko mixer me thoda thoda karke ek sath pis le. isi ke sath chawal aur lahsun ke patto me hari mrich, dhaniya patti, jeera, tmatar dale aur inhe bhi ekdam fine pis le.

4. bad me batter me namak aur haldi dalkar achhese mix kar le. aur thodasa gehu ka aata dale. Aur mix kar le. aavsyakta pdne par aap chawal ka aata dal sakte hai. (dhyan rahe ki apka batter hara hara hi dikhna chahiye isliye kisi bhi aate ka jyada use na kare)

5. bad me gas par tava garam karne ke liye rakhe. Aur tava garam hone ke bad oil dale aur batter ko thoda thoda karke tave par dale aur gol shape me batter ko faila le. (batter ko 1 se 2 chammach hi dale)

6. uske bad chile ko dhak kar rakhe. Aur thodi der bad chile ko nikalkar palat de. Aur dono side se oil lgakar chile ko pka le. chila achhi tarah se hone ke bad ise plate me nikal le. isi prakar se sabhi chile bna le.

To tyar hai hamare garma garam chile serve karne ke liye.

Isi ke sath hum apko chilo ke sath khane ke liye kuch sabji ki recipes btayenge…

*Aalu vange ki sabji recipe*

Aalu vange ki sabji ek traditional gavran dish hai jo bahot hi swadist aur bahot hi healthy dish hai. aur ye bahot hi simple tarike se banne wali sabji hai. jise aap kisi bhi paratha ya kisi bhi chile ke sath ya chawal ke sath kha sakte hai. bharat ke har ghar me har functions me har vocation par ise alag alag tarike se bnaya jata hai. ise dal ke sath bhi serve kiya jata hai. aalu vange ki sabji bahot hi aasan taike se banne wali sabji hai.

To chaliye bnate hai aalu vange ki tasty sabji simple tarike se.

*Aalu vange ki sabji bnane ke liye ingridients*

1. vange (baigan)

2. aalu

3. pyaj

4. tamatar

5. adarak lahsun ka paste

6. dhaniya patti

7. masala (jo bhi aap use karte ho)

8. namak

9. haldi powder

10. lal mirch powder

11. aamchur powder

12. jeera

13. rai

14. oil

*Nutritious values*

1. baigan (vange) me bahot kam calories hone ke karan ek cup pake huye baigan me 35 calories milti hai. isi ke sath baigan (vange) me pani ki matra jyada hone ke karan health ke liye bahot hi faydemand sabit hota hai.

2. baigan (vange) sugar ko control karne me aur santulit rakhne me bhi madat karte hai. iski wajah se fiber aur low carb ki madat milti hai.

3. baigane (vange) me iron aur calssium ki matra adhik hone ke karan kamjori ko dur karne ke sath sath haddiyo ke liye bhi ye bahot faydemand sabit hote hai.

*Aalu vange ki sabji bnane ka samay*

                    30 se 40 minutes.

*Aalu vange ki sabji bnane ki vidhi*

1. sabse pehle ek kadhai me oil dale aur oil garam hone ke bad usme rai aur jeera dale. Aur uske baad barik kate huye pyaj dale. Uske baad adarak lahsun ka paste dalkar golden brown hone tak pka le.

2. baad me tamatar dale, sath me namak dalkar tamatar soft hone tak pakne de. Tamatr soft hone ke baad lal mirch powder aur haldi powder dale. Aur usike sath aamchur powder aur masala dale aur gravy ko pakne de.

3. uske bad aalu ko tukde kar ke dale aur mix karke aalu soft hone de, sath me kate huye baigan (vange) dale aur sabji ko mix kar le. aur dhimi aanch par pakne de. Aur dhak kar rakhe.

4. baad me baigan aur aalu pakne ke baad jitni apko gravy chahiye utna pani dale. Aur ubal aane tak pka le. sabji achhese pakne ke baad usme dhaniya patti dale, aur achhese mix kar le.

Tyar hai aalu vange ki sabji simple tarike se serve karne ke liye.

Isike sath bnate hai aur ek swadist sabji lahsun ke chile ke sath.

*Suran ki masaledar gravy wali sabji recipe*

Suran ki masaledar gravy wali sabji ye ek bahot hi swadist au unic recipe hai. jo bahot hi aasan aur simple ingridients se banne wali sabji hai. jo ek traditional dish ke sath har ghar me alag alag tarike se bnaye jane wali dish hai. jise aap kisi bhi paratha, kisi bhi chile, ya simple chawal ke sath serve kar sakte hai. ye ek bahot hi unic aur traditional dish hai. suran ko har jagah alag alag namo se jana jata hai. swaad ke sath sath ye hamare health ke liye bhi bahot faydemand hai. kaee jagah par suran ki sabji ko lahsun ke chile ke sath bhi serve kiya jata hai. ye apke taste ke hisab se aap ise kha sakte hai, nahi to ye simple chawal ke sath bhi bahot swadist lgti hai.

To chaliye bnate hai simple tarike se suran ki masaledar gravy wali sabji.

*Suran ki masaledar gravy wali sabji bnane ke liye ingridients*

1. suran (jimikand)

2. amrud ke ped ke patte, ya imli ya hirda 2, (suran ko ubalne ke liye inmese kuch bhi use kare)

3. oil

4. tejpatta

5. rai

6. jeera

7. khaskhas

8. pyaj

9. adarak, lahsun

10. dhaniya patti

11. hari mirch 1 se 2

12. dhaniya powder

13. masala powder

14. haldi powder

15. lal mirch powder

16. namak

17. nimbu ya aamchur powder

18. tamatar 3 se 4

19. mungfalli ya til

20. chini

*Nutritious values of suran*

Waise to suran ka sevan karne se bahot fayde hai. suran ka sevan karne se jitne fayde btaye jaye utne kam hai. unmese dekhate hai kuch fayde.

1. suran ka sevan karne se motapa kam karne me apko bahot fayda hoga. Suran me anti-obesity gun paye jate hai. jis se motapa dur karne me suran kafi faydemand sabit hota hai.

2. suran ka sevan apne aahar me karne se pachan se judi bimariyo se chutkara paya ja sakta hai. suran me fiber bharpur matra me paya jata hai. jo pachan tantra ko majbut bnakar kabj ki samassyao se chutkara dilane me madat karta hai.

3. suran ka sevan hamari aankho ke liye bhi kafi faydemand sabit hota hai.suran me vitamin A, aur beta carotene paya jata hai jis se aakho ki roshani me sudhar karne me kafi madat karta hai. aur isi ke sath aakho ki har samassyao ko dur karta hai.

4. suran ka sevan karne se hamari immunity bhi strong hoti hai. iska sevan karne se rog pratirog kshamta majbut hoti hai. isi ke sath suran ka sevan karne se kisi bhi virous, aur bacteria se bachne me apko kafi madat milegi.

5. suran ka sevan karne se cancer jaisi bimariyo ke khatre kam kiya ja sakta hai. ye cancer jaisi bimariyo se ladne me, aur uske side effects ko kam karne me apki madat kar sakta hai. suran me anti-cancer gun paye jate hai. jis se cancer ke sells ko badhne se rokne me apko madat kar sakta hai.

*Suran ki masaledar gravy wali sabji bnane ka samay*

                      40 se 50 minutes.

*Suran ki masaledar gravy wali sabji bnane ka vidhi*

1. sabse pehle suran ko saf pani se achhese dho le. uske bad suran ko kisi bartan me ya cooker me suran me amarud ke ped ke patte ya 2 hirda ya fir imli dalkar pani dalkar 2 sity aane tak ubal le. ( suran se gale me khujli jaisa mehsush hota hai. hirda ya amrud ke patte dalne se gale me khujali jaisa feel nahi hota, isliye inmese kisi bhi chij ka istemal jarur kare)

2. suran ko 2 sity hone ke bad Thanda kar le, suran pur tarah se thanda hone ke bad uske pure chilke ko nikal le aur tukdo me cut kar le. medium tukdo me cut kar le. aur dhup me thodi der masala bnane tak rakh de. (ya fir pankhe ke niche bhi rakh sakate hai)

3. uske bad sabji ke liye masala bnane ke liye sabse pehle kadhai me thodasa oil dale, aur jeera adarak lahsun, barik kate huye pyaj, dhaniya patti, ek se 2 hari mirch, til ya mungfalli ke dane, aur sabhi ko achhese bhun le, bad me uper se khas khas dale aur use bhi sabhi ke sath achhese bhun le. aur Thanda hone ke bad sabhi ko mixer me piskar uska paste bna le.

4. baad me kadhai me oil dale. (Suran ki sabji ke liye oil ka jyada use hota hai. kyuki suran ke pisses ko hame talna bhi hai) oil garam hone ke bad suran ke pises ko thode thode kar ke tal le. golden hone tak suran ke pises ko tal le.

5. uske baad usi kadhai me sabji bnane ke liye, sabse pehle oil me tejpatta dale. Baad me rai aur jeera dale. Aur humne jo masala bnaya hai wo dale, aur golden brown hone tak masala ko pka le. masala achhi tarah se oil chutne tak pkne de.

6. Uske baad masala puri tarah pakne ke bad usme 3 se 4 tamatar dale. (jitni aap sabji bna rahe hai uske anusar dale) baad me namak dalkar tamatar soft hone tak pakne de. Baad me lal mirch powder, haldi powder, masala (jo aap use karte ho wo dale) dhaniya powder, aamchur powder (humne tamatar ka bhi use kiya hai use dhyan me rakhte huye aamchur powder dale) aur sabhi ko achhese mix kar le.

7. baad me masala ko achhi tarah se pka le. uske baad pani dalkar gravy aur acchhese bhun le. aur uske baad suran ke pisses dalkar achhese mix kar le. aur masalo me suran ko aur thodi der bhun le aur thodi der dhak kar rakhe.

8. uske baad sabji me jitni apko gravy chahiye utna pani dale aur thodi der pka le. sabji me ubal aane ke baad usme dhaniya patti dale aur uper se nimbu ka ras dale. aur achhese mix kar le.

Suran ki tasty aur healthy masaledar gravy wali sabji bnke serve karne ke liye tyar hai.  

*Note*

Is blog ke jariye humne apko healthy dish lahsun ke patto se bne chile bnana bataya hai, jo khane me bahot hi swadist hai, aur hamre health ke liye bhi kafi faydemand hai. jise winter me gavo ke har ghar me bnaya jata hai. waise to lahsun ke patto ke chile ke sath aap koi bhi chutney ya aap simple aise hi inhe kha sakate ho. Ye khane me simple aise bhi kafi swadist lagte hai. lekin humne apko lahsun ke patto ke chile le sath khan eke liye kuch sabji recipe btaya hai, jaise ki aalu vange ki sabji. Is sabji ko aap simple chawal, roti ya paratha ke sath kha sakte hai. ye sabji lahsun ke chilo ke sath bhi kafi tasty lagti hai. aap apne taste anusar ise kha sakte ho. Isike sath humne apko suran ki masaledar gravy wali sabji bnana btaya hai, jo ki bahot hi swadist aur healthy sabji hai. aap ise bhai simple chawal ke sath yak is bhi paratha ke sath kha sakte hai. lekin iska taste bhi lahsun ke chilo ke sath kafi swadist lgta hai. aap ise bhi apne taste anusar kha sakte hai.

Is blog ke jariye humne apko kuch aur jankari saza ki hai, jaise ki lahsun ke patto ka sevan karne se hone wale fayde, baigan khane ke fayde, isi ke sath suran ka sevan karne ke fayde, ye jankari apke knowledge ko badhane ke liye, kuch bate apko pta honi chahiye iske liye di hai. kisi bhi chij ka ya kisi bhi tarike ko karne se pehle aap iske bare me aur jankari le, ya apne expert ki salah jarur le.

*Written by nutritious chaska*

Is blog ke jariye humne apko aasan aur healthy recipes bnana btaya hai. jo ki bahot hi simple ingridients se humne bnayi hai. sabhi recipes taste ke sath sath apke health ke liye bhi bahot achhe option hai.

Hum aasha karte hai ki hamari batai hui recipes apko jarur pasand aaye. Isi tarah se hamare blog par visit karte rahe. Hamare blog par visit karne ke liye dhanywaad.

*Tags*

#lahsun ke patto se bne chile

#vidarabh special lahsun ke patto ke chile

#lahsun ke patto ke paratha

#suran ki swadist sabji

#suran se sabji kaise bnaye

#suran ki gravy wali sabji

#aalu vange sabji

#aalu vange ki rassa special sabji

#desi style aalu vange ki sabji