pyaj ke patto se bani bhakari : Desi swaad, nutritious bhojan

 

* pyaj ke patto se bani bhakari : Desi swaad, nutritious bhojan *

Pyaj ke patto ki bhakari ek traditional aur healthy dish hai. jiska sevan naste ke rup me kiya ja sakta hai. jiska sevan hum ek healthy dish ki tarah kar sakte hai. bhakari ek Maharashtrian special dish hai. maharastra me bhakari alag alag ingredients ke sath bnayi jati hai. usi tarah pyaj ke patto (hari pyaj) se bani bhakari ek healthy option hai. jise aap kisi bhi achar ya chutney ke sath ya aise hi serve kar sakte hai.

To chaliye bnate hai (hari pyaj) pyaj ke patto se bhakari recipe.

*Pyaj ke (hari pyaj) ke patte ki bhakari bnane ke liye ingredients*

1. pyaj ke patte barik kate huye

2. jeera

3. ova

4. til

5. namak

6. haldi powder

7. lal mirch powder

8. dhaniya patti

9. kadipatta

10. gehu ka aata

        11. besan

        12. tamatar

        13. chawal ka aata

        14. pani

        15. oil

        16. sauf

*Nutritious values of (hari pyaj) pyaj ke patte*

1. (hari pyaj) pyaj ke patto me bharpur matra me vitamins, manganese, copper, phosphorus, potassium ki matra hoti hai. aur isme paye jana wala fiber hamare body ko aur achhi tarah se poshan dene me kafi madat karta hai.

2. hari pyaj me vitamin c, vitamin b 2, aur vitamin A, bharpur matra me hota hai. is wajah se hari pyaj vitamin ka ek achha stotra hai.

3. kuch reserch ke anusar hari pyaj ko cholesterol ke star ko kum karne me kafi faydemand mana jata hai. usi tarah heart se samandhit rogo ke uper bhi hari pyaj ka sevan karna bahot hi faydemand mana jata hai.

4. hari pyaj me bharpur matra me vitamin c, thiamine, minerals, aur pholet ki matra adhik hoti hai. jis se heart se related rogo se bachane me apko kafi madat mil sakti hai.

5. usi tarah hari pyaj me kellory aur fat bahot kum matra me paye jata hai. isliye salad ke rup me iska sevan kiya ja sakta hai. isi ke sath hari pyaj me anti-bacterial gun bhi hote hai. is se pachan me sudhar karne me kafi madat hoti hai.

*(Hari pyaj) pyaj ke patte ki bhakri banane ka samay*

                       30 se 35 minuts

*(Hari pyaj) pyaj ke patte ki bhakri bnane ki vidhi*

1. hari pyaj ki bhakari bnane ke liye sabse pehle pyaj ke patto ko dho kar barik cut kar le, aur inhe chhanny me nial le.

2. uske bad ek bowl me kati hui hari pyaj dale aur usme jeera, ova, sauf, til, namak, haldi powder, lal mirch powder, dhaniya patti, barik kata huwa kadipatta aur tamatar dale.

3. achhese sabhi ko mix kar le. Aur uske bad thoda thoda karke gehu ka aata dale (aap chawal ka aata bhi use kar sakte hai)

4. uske bad thoda besan dale aur achhese mix kar le. Waise to isme pani ki jarurat nahi hoti. Lekin agar pani lgata hai to aavsyakta nusar pani thoda hi dale.

5. uske bad acchese sabhi ko mix kar le. Aur thoda oil dalkar achhese mila le.

6. uske bad tava garam karne ke liye rakh de. Tava garam hone ke bad oil lga le, aur pyaj ke patte ka batter le aur thoda tave par dalkar batter faila de, aur bich bich me pani lgakar achhese ek saman kar le.

7. bad me ek saman kar ke goal shape me bhakari bna le. Uske bad side se oil lga le aur thodi der pakne de.

8. bhakari ko thodi der bad palat de aur dusre side se pakne de. Aur thoda oil lga le, aur dono side se pkne de.

9. dono side se pakne ke bad bhakari ko plate me nikal le. isi tarah se sari bhakari bna le. aap ise chutney ya achar ke sath serve kar sakte hai.

*Note*

Is blog ke jariye humne apko aasan aur healthy dish hari pyaj ki bhakari bnana btaya hai. jo ki bahot hi zatpat bnane wali dish hai. jise aap kabhi bhi naste me bna sakte hai. ise aap tifin me bhi le ja sakte hai. Thanda hone ke bad bhi iska teste vahi rehta hai. winter me specially hari pyaj jyada matra me milti hai. agar aap winter me bhi is recipe ko apne diet me shyamil karte hai to bhi apke health ke liye ye bahot healthy aur tasty option hai.

*Written by nutritious chaska*

Is blog ke jariye humne apko bahot hi aasan dish hari payaj ki bhakari banana bataya hai, aap ise kisi bhi chutney ya achar ke sath kha sakte hai. iska taste bahot hi swadist aur different hota hai. humne apko bahot hi aasan aur simple tarike se ye dish bnana btaya hai. hum aasha karte hai ki hamari btai hui recipe apko jarur pasanda aye. Hamare blog pe visit karne ke liye dhanyawad. Aise hi hamare blog par visit karte rahe.

*Tags* 

# vidarbha special bhakari recipe in hindi

#pyaj ke patto ka paratha recipe

#hari pyaj se bnaye bhakari recipe
#healthy bhakari recipe