Vidarbha Style Bhakri Recipe With Tomato Garlic Chutney : Ghar ki yaad dilaye

 *Vidarbha Style Bhakri Recipe With Tomato Garlic Chutney : Ghar ki yaad dilaye*

        Bhakri, ye Bhartiya khadya Sanskriti ka ek pramukh bhag hai, Aam taur pe Bharat ke alag alag part me ye alag alag nam se jane jate hai. Bhakri ye ek aisi dish hai, jo Maharashtra me bhakri banana ke alag alag tarike dikhai dete hai.

            Bhakri ko Nutrition ki drushti se body ke liye nutritious Aahar mana jata hai.

*Bhakri banane ke liye Ingredients:-

1) Jwari ka aata (ya Multigrain aata) 2) pani(water)

3) Gehu ka aata  4) Namak

*Tomato Garlic Chutney banane ke liye Ingredients:-

1) Tomatoes 2)Jeera  3)Lahsun 4) Dhaniya patti

5) Hing 6) Oil.

*Nutritious Values Of Bhakri & Tomato Garlic Chutney:->

*Bhakri : Bhakri banane ke liye Jwar ke aate ka upyog kiya jata hai ya fir aap uski jagah multigrain aata bhi le sakte ho. Gehu ke aate ke badle Jwari ka aata ya in sabhi se achha multigrain aata hamare body ko jyada benefit deta hai. Isme Jyada matra me Iron, Fibres, Carbohydrate aur proteins hota hai.

       Bhakri banane ke liye Jwar ke aate ka upyog hum karte hai, Jwar ke aate ke tasir thandi hoti hai is vajah se hm ise aasani se diet me shamil kar skte hai.

*Jwar ke aate ke Fayde:-

*Healthy digestion :- Jwar ka sevan sahi matra me karne se pachan Shakti Swasth tarike se kam karti hai, Jwar me fibre bharpur matra me paya jata hai, isiliye ache digestion ke liye Fibre ka Sevan karna jaruri hai. Aap expert ke advice se Jwar ko apne diet me shamil kar skte hai.

*Weight Loss:- Jwar ko apne diet me shamil karne se apka lambe samay tak pet bhara bhara rahega, isiliye apko bar bar khana khane ki Jarurat nahi padegi is karan apko weight loss karne me bhi fayda hoga.

*Gluten Free:- Jo log anaj me gehu nahi kha skte, un logo ke liye Jwar ek achha option hai. Kyunki Jwar ek gluten Free Anaj hai. PCOD aur PCOS  jaise Life style disease me ye ek bhetarin diet hai.

*Tomato + Garlic Chutney :-

1) Tomato me Vitamin ‘C’, lycopene, Potassium, Folate, Vitamin ‘K’ or Vitamin ‘A’ jyada matra me paya jata hai Jo Cholesterol lev el ko kam karne me Saksham hai. Isiliye weight loss, sujan (inflammation) aur ghatak (harmful) blood clotting ko rokta hai jis karan hum lakhva ya brain stroke se khud ko protect kar sakte hai. Tomato me bharpur matra me Antioxidant aur Vitamin ‘C’ hota hai jo hamare Skin ko damage karne wale free radicals ko kam karta hai aur hame Sundar youthful skin ke saath young rakhne me help karti hai.

2) Garlic (Lahsun) ye ek strong natural antibiotic, anti fungal aur antibacterial herb(vanaspati) hai, garlic rogo ko thik karne ke liye bahot hi faydemand hai.

 

*Bhakri Aur Tomato Garlic Chutney Banane ka samay:-  30 se 40 minutes

 

*Bhakri banane ki Vidhi:-

1) Sabse pehle ek bade katore me jwar ka aata or gehu ka aata le (aap multigrain aata bhi le sakte hai. multigrain aata banene ki vidhi niche di gayi hai). Uske baad bich me round bana le.

2) Baad me aata ke matra anusar usme gamar pani dalkar achhi tarah se gunth le(mila le). Pani garam hone ke karan ye process apko dhire dhire karani hai. Dhyan rahe aate ko chikna or naram hone tak gunth le. Kyunki aate ko achhi tarah se gunthna bahot Jaruri hai, nahi to bhakri banate samay bhakri Kinaro se tut sakti hai aur darare pad sakti hai.

3) aate ki ek chhoti lohi bana le aur hatheli aur ungli ki madat se bhakri ko achhi tarah se flat bana le.

4) bhakri banate samay thap Thapate waqt apko jwar ke aate

Ka upyog karna hai, is karan bhakri chipkegi nahi.

5) bhakri ko round shape me banane ke liye ek haath se dhire dhire thap thapaye aur dusra haath kinare par rakhe.

6) Agar jarurat ho to jwar ka aata bich bich me lagaye.

7) Ab tawe ko  garam hone de garam hone ke baad bhakri ko tawe par dale, aur hath ya gile kapde ki madat se bhakri ke upar pani dale. Agar aap ise achhi tarah se dhire dhire dono side bhakri ko sekte ho to bhakri fulne lagegi aur bahut soft s aur spongy bhakri bankar taiyar ho jayegi.

8) Ab apki garma garam bhakri serve karne ke liye tayar hai.

 Multigrain aata banane ki Vidhi :-

Multigrain aata taiyar karne ke liye aap ko 2 kg gehu ka aata, 1 kg Jwar ka aata, 200 gm bajra, 50 gm kala chana, 50 gm ragi, 100 gm gehu ka jav, 1 tsp methi dana is matra me sabhi aanaj leke use pis le. Is tarah apse apka healthy aur easy digest multigrain aata taiyar ho gaya hai.

*Tomato Garlic Chutney Banane ki Vidhi :-

1. Sabse Pehle tomatoes ko tave par ya kisi bhi stand par rakh kar gas pe kam aach  par paka le.

2. Isi tarah lahsun ko bhi stand par rakh kar roast karna hai.

3. Iske sath hi hari mirchi ko bhi isi tarha stand pe rakh kar roast karna hai.

4. Tomatoes, Lahsun(garlic) aur hari mirch ko Thanda hone de uske baad tomato  ke upar ke chhilke nikal le.

5. lahsun ko bhi isi tarah chhilko ko nikalkar saf kar le.

6. Ek bowl me tomatoes ko achhi tarah mash kar le. Aap hath se bhi achhi tarah se mash kar sakte hai.

7. Baad me mash kiye hue chutney pe bhaniya patti or namak dal de. Oil ko garam kar usme jeera dalkar vah tadka chutney ke upar dal de aur use achhi tarah mix kar le.

8. Is tarah hamari desi swad ki tomato garlic chutney taiyar ho chuki hai.

NOTE:- Waise to jwar ka aata har kisike liye fayademand hai. Lekin apko agar ise apne diet me shamil karna hai to aap be zizak ise use kar sakte hai. Sath hi Multigrain aata  to hamare health ke liye kafi fayademand hai.

*WRITEN BY NUTRITIOUS CHASKA*

Is blog ke jariye hum logo ko gramin Bharat ki healthy Bhakri tomato chutney recipe jo Shahari logo me bhi kafi pasad ki jati hai uske bare me jankari saza kar rahe hai.

Logo ko aaj ki unhealthy roadside food se achhe nutritious value wale healthy desi bhojan ki aur  le jane ka prayas kar rahe hai.

Tags:->  #jwari ki bhakri recipe #jwar ke fayde

                #tomato garlic chutney with bhakri

                #How to make bhakri #desi dinner recipe

                #healthy lunch recipe

 #maharashtra special bhakri recipe

#Vidharbha style bhakri recipe with tomato garlic chutney